အဖြူရောင်

ငါရဲ့ အိပ်မက်စောင့်နတ်သမီးရယ်...
မင်း.... သွားများပြောလိုက်လေသလား
သူ့ကို ကိုယ်အရမ်းသတိရနေတယ်ဆိုတဲ့အကြောင်း...
ဒါမှမဟုတ်.....သူကများစေခိုင်းလိုက်သလား...
မင်းကို...ငါ့အိပ်မက်တွေ ဖန်ဆင်း သူ့သတင်းလေးပါးဖို့ကိုပေါ့....
တကယ်တော့ ရင်တွင်းကသံယောဇဉ်...
သူသိအောင်ပြောပြချင်ပေမယ့်...
အဖြူရောင်ဒီကြိုး... အရောင်တွေမဆိုးကောင်းတာမို့...
ဒဏ်ချက်မကင်းတဲ့..ငါ့နှလုံးသား
ရော်ရွက်ဝါတစ်စင်းကို...လုံခြုံအောင်သော့ခတ်လို့...
သော့တံကိုတော့ ကဗျာမြစ်ထဲမျှောချလိုက်တယ်..
အိပ်မက်ပင်လယ်ထဲသို့...စီးဆင်းစေ........................။

<//span style="font-family:Zawgyi-One;"//>

အိပ်မက် မက်သူ....ငါ

မနေ့ကအိပ်မက်လား  ဒီနေ့ကပဲ...အိပ်မက်လား၊
တကယ်ဆိုတော့....
ငါဟာ အိပ်မက်ထဲတောင် အိပ်မက် မက်နေတတ်သူတစ်ယောက်မို့၊
လေဟာနယ်ထဲ လျှောက်လှမ်းရသလို၊
တိမ်စိုင်တွေကို ဖမ်းဆုပ်မိရက်၊
အိပ်မက်တွေ........ဆက်မက်နေဦးမယ်။

တူ....................၀ါးး)))))))

          ကလေးလေးတွေကို တူတူရေ...၀ါးဆိုပြီး ကျီစယ်ဖူးကြမှာပေါ့။ ကိုယ့်မျက်နှာကို လက်ဝါးနဲ့အုပ်ထားလိုက်တဲ့အခါ သူရဲ့မျက်နှာမှာ(တကယ်ပျောက်သွားတယ်ထင်ပြီး) ဝေခွဲရခက်နေတဲ့ စိတ်ရှုပ်နေပုံလေး၊ ကွယ်ထားတဲ့လက်ကိုဖယ်ပြီး...၀ါး....လို့ပြောလိုက်တဲ့အခါမှာ  သူ့ပါးစပ်လေးကနားရွက်တက်ချိတ်မတတ် အားရပါးရပျော်ရွှင်ရယ်မောလိုက်တဲ့ပုံလေးကို တွေ့ဖူးကြမှာပေါ့။
ဒါကိုလက်တွေ့ကျကျစူးစမ်းပြီး တွေ့ရှိချက်ကတော့ သူနှစ်သက်တဲ့အရာ ပျောက်ဆုံးသွားပြီလို့ ထင်နေတဲ့အခိုက်မှာ ရုတ်တရက် ပြန်တွေ့လိုက်ရတဲ့အတွက် အရမ်းပျော်ရွှင်သွားရတာတဲ့။....
       ဒီလိုပါပဲ..... ကျမတို့လည်း ကိုယ်ချစ်တဲ့သူ၊ ခင်မင်ရတဲ့သူတွေ ကိုယ့်ရှေ့ကပျောက်ကွယ်သွားတာကြုံဖူးကြတယ်။ တစ်ခါတစ်လေမှာတော့ သူတို့များ ကိုယ့်ရှေ့ ဘွား...ခနဲရောက်လာမလားလို့ မျှော်လင့်ခဲ့ဖူးပါတယ်။ မျှော်လင့်နေမိပါတယ်။ ဒီလို...း)))) ပျော်ရွှင်မှုများရနိုင်ဦးမလား...လို့မျှော်လင့်ရင်း...........

2014 Calendar(L)1

2014 Calendar(L)1

ငါ...နေချင်တယ်

ပါတ်ဝန်းနဲ့ ကိုယ်တစ်သားတည်းမဖြစ်တော့ ဒေါခီး၊
ကိုယ်နဲ့ ပါတ်ဝန်းကျင် သဟဇာတမဖြစ်တော့ ဆောရီး၊
လူဆိုတာ ပါတ်ဝန်းကျင်နဲ့ နေရတာတဲ့၊
ဒီတော့ ဆုတောင်းလို့ပြည့်မယ်ဆိုရင်၊
တစ်လောကလုံး မခင်ကြရင်လည်းနေပါ၊
ခံစားချက်တူညီတဲ့ နှလုံးသားတွေရှိတဲ့နေရာမှာပဲ၊
ငါ...ရှင်သန်ချင်တယ်။

Suspended Coffee (ဆိုင်းငံ့ထားသောကော်ဖီတစ်ခွက်)

ဖတ်ခဲ့ဖူးတဲ့ အကြောင်းအရာလေးတခုပါ။

(လူနှစ်ယောက်က ကော်ဖီဆိုင်တစ်ဆိုင်မှာကော်ဖီထိုင်သောက်နေတုန်း ကောင်လေး၂ယောက်ဝင်လာပြီး၊

 ကော်ဖီမှာသောက်တယ်။ သူတို့၂ယောက်အတွက် ကော်ဖီ၂ခွက်နဲ့ suspended coffee ၃ခွက်တဲ့။ သူတို့ကော်ဖီတစ်ယောက်တစ်ခွက်သောက်ပြီး ခဏနေတော့ ပိုက်ဆံရှင်းတော့ ၅ခွက်စာရှင်းပြီး

 ပြန်ထွက်သွားကြတယ်။ နောက် ထပ်တစ်ယောက်ရောက်လာပြီး သူ့အတွက်ကော်ဖီတစ်ခွက်နဲ့ suspended coffee ၂ခွက် မှာပြန်တယ်။ ဒီအခါမှာ ကော်ဖီထိုင်သောက်နေတဲ့လူတစ်ယောက်က suspended coffee ဆိုတာ ဘာလည်းဆိုတာသိချင်လာတဲ့အတွက် ပါလာတဲ့သူငယ်ချင်းကို မေးကြည့်ပါတယ်။ သူငယ်ချင်းဖြစ်သူက မင်းခဏလောက်စောင့်ကြည့်ပါတဲ့။ ဒါနဲ့သူလည်းဆက်ထိုင်နေလိုက်တယ်။ အဲ... မကြာခင်မှာပဲ အဖိုးအိုတစ်ယောက် တောင်ဝှေးလေးကိုင်လို့ဆိုင်ပေါက်ဝမှာရပ်ပြီး suspended coffee လေးများရနိုင်မလားခင်ဗျာ လာမေးပါတယ်။ ဒီအခါ ဆိုင်ရှင်က ခပ်ပြုံးပြုံးလေးနဲ့ ဟုတ်ကဲ့ ရှိပါတယ်ဆိုပြီး အသင့်ဖယ်ထားတဲ့ကော်ဖီတွေထဲက တစ်ခွက်စာကို အဖိုးအိုကို ထည့်ပေးလိုက်ပါတယ်။

အဖိုးအိုလည်း သူ့အတွက်ထည့်ပေးတဲ့ ကော်ဖီခွက်လေးကိုယူပြီး လွတ်နေတဲ့ စားပွဲခုံ တစ်ခုမှာ အေးအေးဆေးဆေး ထိုင်သောက်နေပါတော့တယ်။  အဲ... မကြာခင်မှာ ကလေးနှစ်ယောက် ဆိုင်ရှေ့ရောက်လာပြီးsuspended coffee ရနိုင်မလားလို့ထပ်မေးလာပြန်တယ်။ဆိုင်ရှင်ကလည်း

ရှိပါတယ်၊ ခဏလေးနော်ဆိုပြီး အသင့်ဖယ်ထားတဲ့coffee ၂ခွက်ကို အိတ်လေးနဲ့ထည့်ပေးလိုက်

ပြန်တယ်။ ကလေး၂ယောက်ကလည်းကျေးဇူးတင်ပါတယ်ဆိုပြီးယူသွားပါတယ်။  ဒီတော့မှ သူလည်းသဘောပေါက်သွားပါတော့တယ်။)...

      ဒီဇာတ်လမ်းလေးထဲကလိုပဲ ကိုယ်တတ်နိုင်သလောက်ကို မတတ်နိုင်သူတွေအတွက် မျှဝေပေးနိုင်ကြမယ်ဆိုရင် သိပ်ကောင်းမှာပဲနော်.....

နှုတ်ရခက်တဲ့ဆူး

မျက်စိကိုမှိတ်၊ မီးကိုပိတ်
လူခြေတိတ်အိပ်ရာဝင်
အိပ်နိုင်ပါဘူး
ဘယ်လှိမ့်လို့ ညာကိုလူး
မှန်း......ကြည့်စမ်းပါဦး
ငါ့နှလုံးသားမှာ
သံယောဇဉ်ဆိုတဲ့ ဆူးတစ်ချောင်း
နစ်ဝင်ခဲ့ပါရော့လား။
မသိခင် ၀င်လာခဲ့တဲ့ဒီဆူး
ငါကိုယ်တိုင် အနှုတ်ခက်လို့
မင်းကိုယ်တိုင်ပြန်လာနှုတ်လှည့်
ဂျူလိုင်မိုးနဲ့အတူ ပြေးသူ.....

Sharing My Colour Knowledge

Sharing My Colour Knowledge

ကိုအငဲရဲ့သီချင်းများ

ခ

သစ်မြစ်လေး...ငါ

ငါဟာသစ်မြစ်ပါ

ဘ၀တလျှောက်လုံး

ငါဟာ

မြေကြီးအောက်မှာသာ

တိတ်ဆိတ်ငြိမ်သက်စွာ

နေထိုင်ကြီးပြင်းခဲ့ရတာဖြစ်တယ်...

တစတစ

ငါ့ဘ၀ဟာ

အောက်ဖက်ကိုသာနိမ့်ဆင်း

ကမာပေါ်မှာတော့

နေတစ်စင်း

ထွန်းလင်းနေပါလိမ့်မယ်

ငါယုံကြည်တယ်။

သစ်ကိုင်းများအထက်က

ချိုမြကြည်လင်

ငှက်ကလေးတွေရဲ့တေးသံလွင်

ငါ...

ဘယ်တော့မှနားမဆင်ရပါ...

ညှင်းလေနုအေးရဲ့

ပိုက်ထွေးချော့မြှူမှုများ

ငါဘယ်တော့မှမခံစားရပါ။

ဒါပေမယ့်

အဲဒီအကြောင်းတွေအတွက်

ငါဘယ်တော့မှစိတ်မကောင်း

မဖြစ်ခဲ့ပါ...

အကိုင်းအခက်

အရွက်ဖားဖား

အပွင့်ကားကား

အသီးများကြီးထွားစေဖို့

ငါ...

ငါ့နှလုံးသွေးတွေကို

အမြဲပို့လျှက်ပါ...

                                       ဖတ်ခဲ့ဖူးတဲ့ကဗျာလေးတစ်ပုဒ်ပါ.............

ငြိမ်းချမ်းအေးမြပါစေသား

ကြုံကြတဲ့ခဏ ဆုံရတဲ့ဒီဘ၀မှာ

မိသားစုဆိုတဲ့ သိုက်မြုံလေးထဲ

အေးအတူ ပူလည်းမခွဲ

ယှဉ်တွဲအတူနေလာရင်း

နှုတ်မဆက်ပါ ရုတ်တရက်မှာ

သူထွက်သွားခဲ့။

ပြန်လာလ်ိမ့်နိုး မျှော်ကိုးရင်းနဲ့

စောင့်စားသူမှာ အခါနှောင်းမှသိခဲ့ရ

သူပြန်မလာနိုင်တော့ပါပြီလား။

ပြန်မလာနိုင် သံသရာတိုင်ခရီးဆက်သူအတွက်

 

ရောက်လေရာမှာ ငြိမ်းချမ်းအေးမြပါစေသား။

(30.6.2013 sunday မှာ ကွယ်လွန်ခဲ့လေသောကျေးဇူးရှင်အမေ့ကို သတိရစွာဖြင့်...)

အချိန်ဟာအဖိုးမဖြတ်နိုင်တဲ့ ရတနာတစ်ပါး

အချိန်ဟာအဖိုးမဖြတ်နိုင်တဲ့ ရတနာတစ်ပါးလို့ဆိုကြတယ်။ ကောင်းတဲ့အလုပ်တစ်ခုကိုလုပ်မယ်လို့ဆုံးဖြတ်ပြီးရင် ခုပဲစလိုက်ပါဆိုတဲ့စကားကသိပ်မှန်တာပဲ။ Present is the Best Tmie တဲ့။ ကျွန်မတို့ဘ၀မှာ တစ်ရက်၊ တစ်နာရီ၊ တစ်မိနစ်လေး နောက်ကျလို့ လက်လွှတ်ဆုံးရှုံးလိုက်ရတဲ့ အခွင့်အရေးတွေလည်းရှိဖူးခဲ့ကြပါတယ်။ ကိုယ့်ရဲ့ဘ၀မှာရရှိလာတဲ့အဖိုးတန်လှတဲ့အချိန်တွေကို မိမိနဲ့ မိမိပါတ်ဝန်းကျင်အတွက် အကျိုးရှိအောင်အသုံးချသင့်ပါတယ်။ လူတွေဟာကိုယ့်ရဲ့လုပ်ဆောင်နိုင်တဲ့စွမ်းရည်ကို အသုံးမပြုပဲပစ်ထားတာကြာရင် ပျင်းရာကနေညံ့ဖျင်းသွားတတ်ပါတယ်။ ဓားများကိုအသုံးမပြုပဲကြာရှည်ပစ်ထားရင် သံချေးတက်သလိုပေါ့။ ဒီလိုမဖြစ်ရလေအောင် အားနေတဲ့အချိန်လေးတွေကို အကျိုးရှိအောင်အသုံးချနိုင်ကြပါစေလို့။